Deputeti i BDI-së, Artan Grubi ka reaguar pas deklaratave të lideri të ASH-së Ziadin Sela se gjoja Artan Grubi ka informuar se ku ndodhet Sela në ngjarjen e 27 prillit. Pas kësaj deklarate Grubi thotë se Sela kërkon famë duke shpifur dhe ai është thjeshtë Menduhi i vogël. “Ka rrëshqit Menduhi i vogël, gjynah, mos ia zeni për të madhe, kërkon famë duke shpif dhe mendon se duke e arsyetuar ikjen e tij qyqare mund të përfiton dicka të imtë me gënjeshtra dhe trillime, mjerim. Nejse, ne kemi punë më të zgjuara se sa qyqarllëku, ndiqeni fjalimin tim të sotëm dhe bëni selam frigacakut” ka shkruar Grubi.
Lideri i ASH-së Ziadin Sela ishte i ftuar në intervistë në Tv në gjuhën maqedone Kanal 5.
Ai duke folur për momentumin politik ka folur edhe për ngajrjet e 27 prillit.
Sela ka deklaruar se „kam informatë se deputeti i BDI Artan Grubi ju ka treguar huliganëve se ku ndodhem unë“.
