Grekët kërkuan njëzet e pesë mijë euro për trafikim të familjes shqiptare

15:57:29         2016-02-02

Më 26 janar të këtij viti, në aeroportin e Frankfurtit policia federale gjermane ka arrestuar dy shtetas grekë. Dy personat e moshës 54-, e 40-vjeçare kanë tentuar ta trafikojnë një familje katërantarëshe shqiptare, me dokumente të falsifikuara për në Irlandë. Familjes shqiptare ata i kishin kërkuar një shumë prej 25 mijë eurosh për shërbimin e kryer, ndërsa udhëtimi është dashur të zhvillohet nga Belgjika, përmes aeroportit të Frankfurtit për në Irlandë, shkruajnë mdeiet gjermane, njofton „Shtegu.com“. Shtetasi 54-vjeçar grek, për autoritetet gjermane nuk është i panjohur, pasi edhe vitin e kaluar policia e kishte hetuar në aeroportin e Mynihut, duke trafikuar katër shqiptarë. Ndaj shtetasve gerkë është ngritur kallëzim penal dhe tashmë gjenden në paraburgim.