Granit Xhaka kapiten i Zvicrës ?!

Kombëtarja zvicerane ka rritur sukses në rrugën drejt Kampionatiti evropian në futboll, prandaj futbollistët e saj kanë shkuar në pushim të merituar. Për lexuesit e shumtë të „Blick“, një gjë tashmë është e qartë: Në të ardhmen, Granit Xhaka do të duhet të ushtrojë rolin e kapitenit të Kombëtares helvete.

Fitore në Letoni, vendi i dytë në grup dhe tani pak relaks në pushime. Por, kujdes, qielli zviceran nuk është edhe pa ndonjë re.
Si duket, lidhur me ushtrimin e detyrës së kapitenit në ekip, do të shpërthejë një „betejë“, shkruan „Blick“, e cila ka publikuar një sondazh të lexuesve, në pyetjen nëse Xhaka apo Inleri do të jenë më të përshtatshmit për kapiten të skuadrës. Lidhur me këtë, lexuesit e saj janë të qartë: 73,6 për qind e tyre janë prononcuar për Granit Xhakën, ndërsa 26,4 për qind nga gjithsej 22.901 pjesëmarrës e shohin Inlerin si kapiten.

Xhaka apo Inleri. Përzgjedhësi i Kombëtares zvicerane, Vladimir Petkoviç (51), deri më 5 shtator do të ketë afat për të vendosur për shefin e ri.