Në të ashtuquajturin „Itinerari ballkanik“, gjithnjë e më shumë po shtohen refugjatet e gjinisë femërore, ndërsa një pjesë e tyre pa kurrfarë shprese për një të ardhme më të mirë. Sipas të dhënave të Fondit humanitar për fëmijë të Kombeve të Bashkuara, vetëm në Maqedoni çdo ditë kalojnë rreth 3.000 refugjatë, një e treta e të cilave janë të gjinisë femërore, ndërsa 12 për qind e tyre janë shtatzane. Pra, numri i grave dhe fëmijëve tashmë është rritur dukshëm, shkruan portali gjerman „Wirtschaft.com“, transmeton „Shtegu.com“
Gjatë muajit qershor, „Itinerari ballkanik“ përbëhej prej 90 për qind të meshkujve. Sipas të dhënave të UNICEF-it të bazuara nga burime të Ministrisë së Brendshme maqedonase, 80 për qind e refugjatëve vijnë nga Siria, dhe me nga pesë për qind pasojnë Afganistani dhe Iraku.