Gjermani: Plagoset rëndë shqiptari 20-vjeçar

Gjatë një zënke në mes të refugjatëve, në qendrën strehimore të Kisdorfit (rrethina e Segebergut) në Gjermani, është plagosur rëndë një shqiptar 20 vjeçar. Natën e së enjtes, një kalimtar i rastit e kishte gjetur në rrugë djaloshin e ri, me lëndime të shkaktuara me thikë. Ai menjëherë e kishte lajmëruar ambulancën, thuhet në një komunikatë të policisë gjermane, transmeton „Shtegu.com“.

Hetimet kanë dëshmuar se 20 vjeçari ishte zënë me një person nga një qendër tjetër e strehimit. Policia gjermane menjëherë ka filluar hetimet për gjetjen e autorit, por për momentin ende pa sukses.