Gjenden dy foshnje të vdekura në banesën e serbes

09:02:13        2015-12-24

Një nënë serbe 20-vjeçare, në banesën e së cilës janë gjetur dy foshnje të vdekura, tashmë gjendet në paraburgim. Për shkak të disa ankesave, ajo e kishte vizituar spitalin e Lucernit.

Shkaqet e vdekjes janë ende të paqarta, ndërsa Prokuroria ka hapur një hetim. E ëma e foshnjeve është paraburgosur.

Zëdhënësi i Prokurorisë publike të Lucernit, Simon Kopp, në një deklaratë dhënë Televizionit zviceran Tele 1, ka pohuar se gruaja në fjalë kishte lindur dy fëmijë, të cilët tashmë janë të vdekur, njofton „Shtegu.com“. Prokuroria është duke hetuar nëse rasti i vdekjes së foshnjeve ka të bëjë me vepër penale.

Sipas të dhënave të televizionit në fjalë, bëhet fjalë për dy foshnje binjakë, ndërsa nëna e tyre është një serbe 20-vjeçare. Para një jave e gjysmë ajo e kishte vizituar spitalin e Lucernit pas disa ankesave. Me këtë rast, mjekët kishin konstatuar se ajo ka pasur një lindje të rregullt.