Fushata gjermane: „Në Gjermani nuk ka Azil ekonomik“

„Në Gjermani nuk ka Azil ekonomik“, shkruan në për gjashtë gazetat më të mëdha shqiptare gjatë kësaj jave, që në gjuhën gjermane përkthehet: „kein Wirtschaftsasyl in Deutschland“. Me një fushatë të madhe, Gjermania ka reaguar ndaj rritjes së fluksit të refugjatëve shqiptarë. Në gjashtë faqe, në mesin e të cilave edhe gazetat më të lexuara „Shekulli“ dhe „Shqip“, Ambasada gjermane në Tiranë i paralajmëron shqiptarët për mashtrimet që u bëhen atyre nga përfitues dhe mashtrues të mëdhenj.
Ky veprim është i ngjashëm me atë austriak, gjatë muajit shkurt në mediet kosovare. Edhe nga Kosova dhe nga vendet tjerë të Ballkanit Perëndimor vërehet një fluks i madh i refugjatëve për në Europë. Por, tek autoritetet gjermane, Shqipëria llogaritet si „shtet kryesor problematik“. Numri i parashtruesve të kërkesës për strehim është në rritje e sipër, ndërsa njohja e statusit të refugjatit është shumë e vogël.