Anëtari i ri i Ligës së parë zvicerane, Lugano ka marrë në radhët e veta mbrojtësin kosovar 24-vjeçar, Frederik Veselin. Ish kapiteni i Kombëtares zvicerane të U-17, e cila në vitin 2009 e fitoi titullin e kampionit të botës, deri më tani ka luajtur 37 ndeshje për ekipin e Ligës së tretë angleze Port Vale.
Pasi u largua nga Lozana, në vitin 2008, Veseli karrierën e tij e provoi edhe për juniorët e Manchester City dhe Manchester United, ekipe në të cilat nuk mundi ta gjejë vetveten.
