Francezët në mbrojtje të tre prindërve shqiptarë

Me iniciativën e shoqatës franceze „Réseau éducation sans frontières (Rrjeti – arsimimi pa kufij) RESF, në disa lagje të Clermont-Ferrand në Francë janë organizuar protesta lidhur me paraburgimin e tre prindërve të nxënësve të familjeve shqiptare, në shenjë përkrahjeje për ta. Në pankartat e protestuesve kishte mbishkrime si psh: „Me apo pa dokumente, ata janë nxënësit tanë“, „Stop dëbimit ! Rregullim i qëndrimit për të gjithë pa letra“. Ditëve në vijim RESF ka paralajmëruar tubime të tjera, shkruajnë mediet franceze.