Familja Thaçi nuk mërzitet për kolonën e gjatë 15 kilometra në Gothard

Kolona e trafikut në Gotthard të Premten e Madhe ishte nganjëherë 15 kilometra e gjatë. Gazetari i „20 Minuten“ gjithashtu shkoi në Tiçino, shpërndau çokollatë – dhe pyeti ata që prisnin pse e bëjnë këtë çdo vit

Njëra nga to është edhe familja Thaçi e cila është dashur të presë rreth një orë në këtë kolonë. Por, për këtë familje një orë nuk është asgjë në krahasim me katrahurat që i përjetojnë kur shkojnë në vendlindje, transmeton portali Shtegu.

“Një orë në trafik? Jemi mësuar me 16 orë

Trafiku i Pashkëve vazhdon të rritet në A2, por disponimi është i relaksuar për familjen Thaçi nga kantoni i Bernës: „Ne po shkojmë me veturë për në Tiçino për herë të parë“, thotë babai Milaimi. Për të dhe familjen e tij, ky është udhëtimi i parë në jug të Zvicrës. “Më herët kemi punuar në sferën e gastronomisë. Pashkët ishin të pamundura! Sot gjërat janë ndryshe.

Gjithashtu në veturë: nashkëshortja e Milaimit, vajza Florecita, vajza Klevisa dhe djali Ramadani. “Bllokimi i trafikut të Pashkëve nuk është problem për ne”, thotë me qetësi Milaimi. Përkundrazi: „Kur udhëtojmë në Kosovë, ndonjëherë kalojmë deri në 16 orë në bllokime trafiku – me fëmijët. Kjo është e vështirë. Kjo nuk është asgjë në krahasim me atë“.