2019-08-07
Shkelzen Halimi
BOTË E HARRUAR
Bredh drithërima
Mbi çatinë e vjetër
Të shtëpisë së rrënuar
S’ngrihet as perdja e teatrit
Për ta paralajmëruar aktin e parë
Të tragjedisë
Komedisë
Që luhet në skenën e mbuluar
Me pluhurin e harresës
Më mungojnë pamjet
E fëmijërisë së humbur
Rrugëve të Preshevës
Po kujt i mungoj unë
Më pyeti zëri i vetmisë së strukur
Thellë në botën e harruar