Drejtësia austriake e ka dëmshpërblyer një vrasës të kërkuar me 1.750 euro, pasi një gazetë austriake e ka publikuar foton e tij dhe ka raportuar për vrasjen. Tashmë pesë muaj çeçeni Achmed D. (23) është në kërkim e sipër nga drejtësia austriake, pasi në qytetin Linz të Austrisë dyshohet se ka vrarë me gjakftohtësi me një plumb në kokë shqiptarin 45-vjeçar. Policia dhe prokuroria austriake janë të bindur se ai është vrasësi, pasi menjëherë pas aktit të rëndë, ai është arratisur në Çeçeni dhe është i pakapshëm për policinë. Megjithatë, atij i shkoi përdore që përmes një avokati të dëmshpëblehet me 1.750 euro nga e përditshmja austriake „Heute“, pasi gazeta në fjalë e ka lënduar të drejtën e prezumimit të pafajësisë. Mund të gjykoni edhe ju: Po që se është i pafajshëm, përse fshihet në vendlindje, parashtron pyetjen „Heute“.
Date: