E heq kabllon e gabuar, e incizon plaçkitjen e tij në kantier

23:31:30                2019-03-29

Një 30-vjeçar po punonte në kantierin e ndërtimit si punëtor. Siç raportohet nga policia austriake e Burgenlandit, ai ka dashur të deaktivizojë kamerën të mërkurën në mbrëmje, duke i hequr kabllot pasi e kishte përfunduar punën. „Megjithatë, ai e ka hequr kabllon e gabuar“, thotë zëdhënësi i policisë, Johannes Kollmann, njofton Shtegu.com.

Asnjëra kamerë nuk ishte deaktivizuar, por një pjesë tjetër e kantierit. „Kamera vazhdoi të incizonte, kështu që mund të sigurohej prova se ai vetë e kishte kryer vjedhjen“.

Asaj mbrëmje, i dyshuari plaçkiti pajisje të cilësisë dhe vlerës së lartë. Deri më tani, dyshohet se ai ka dashur të përvetësojë një vlerë prej një shume pesëshifrore. Të gjitha këto, autori i ka pranuar.

Dyshohet se pajisjet e vjedhura, ai ua ka shitur dy punëtorëve të ndërtimit, që kanë punuar në të njëjtin kantier në Eisenstadt, njofton Shtegu.com. Hetuesit më pas kanë kryer bastisje tek një austriak 54-vjeçar dhe një veriomaqedonas 30-vjeçar, të dyshuar se i kishin blerë pajisjet e plaçkitura. Ndaj tyre gjithashtu është ngritur kallëzim penal.