Dyshohet se Granit Xhaka ka ngjitëse në këmbë

Granit Xhaka është nyja kryesore në mesfushë e Gladbachut. Në ndeshjen kundër Hertha të Berlinit, ai topin e kishte nëpër këmbë plot 158 herë. Edhe pse meritat për fitoren e Gladbachut kundër Hertha i mori lojtari i zëvendësuar Ibrahima Traore, i cili në minutën 85 shënoi golin e fitores, Xhaka u vlerësua si lojtari më i mirë në këtë ndeshje. Është e vërtetë se në këtë edicion nuk shënoi shumë gola (2), por „përgjegjësi“ kryesor për suksesin e Gladbachut është padyshim Granit Xhaka. Janë këto shifra që meritojnë respekt, të përkujtojmë se 158 herë ai kishte kontakt me topin, po, po 158 herë. Në krahasim me lojtarin kundërshtar Valentin Stocker, î cili më së shumti kishte kontakte me top te kundërshtari (47), Xhaka ishte dukshëm më i suksesshëm, duke fituar me këtë rast edhe 2/3 e dueleve me kundërshtarin. Sa i përket kontakteve me top, vetëm ylli i Bayernit nga Mynihu është më i suksesshëm se Xhaka në Bundesligë. Me moshën e tij 22-vjeçare, ai është duke premtuar shumë për të ardhmen, ndërsa nuk mungojnë edhe spekulime të ndryshme lidhur me angazhimin e tij në ndonjë nga gjigantët evropian.