Shengjile Ibrahimi
Nuk ka të ndalur integrimi i shqiptarëve në shoqërinë zvicerane. Gjurmët e kësaj të vërtete na shpien deri te një vëlla e motër nga Çerkezi i Kumanovës, por që jetojnë në Gjenevë. Bëhet fjalë për Sevxhane (24) dhe Florim Fazliaj (22), janë shqiptarët e parë që diplomuan në Fakultetin e Shkencave të mjekësisë ligjore në Universitetin e Lozanës.
Para disa ditësh Sevxhanës dhe Florimit iu ndanë nga një certifikatë, duke fituar titullin Bachelor.
Familjar i personave në fjalë, Samet Fazlija tregon për “Lajm” se ata kanë kryer shkollimin me sukses të lartë. Nota mesatare e Sevxhanës është 5,6, kurse e Florimit është 5,9. Ndërsa nota më e lartë është 6.
“Janë nxënës shumë të talentuar. Babai i tyre Shenasiu është në qejf të madh, sepse vajza dhe djali i kanë diplomuar për një ditë në drejtimin e kriminalistikës në Lozanë. Janë shqiptarët e parë që e kanë kryer këtë shkollë, me afat të caktuar dhe me nota të larta”, ka deklaruar familjari i tyre Samet Fazlija, duke shtuar se shteti zviceran do ta financoj Florimin në vazhdimin e magjistraturës në Kanada.
Florimi dhe Sevxhanja së bashku me prindërit e tyre çdo vit e vizitojnë familjen e tyre në Kumanovë, ndërsa edhe sivjet pritët që pushimet ti kalojnë në vendlindje./lajm/