Maqedonia, gjegjësisht KB Shkupi po bëhet një akademi e vërtet në nxjerrjen e talenteve të reja të basketbollit, me në krye punëtorin e madh sportiv, profesor Enver Miftarin.
Pas shumë basketbollistëve të talentuar, që tani më po luajnë edhe në SHAB dhe klube evropiane, së fundmi interes ka zgjuar edhe përfaqësuesja e Kosovës në basketboll, e cila ka zgjedhur dy talentet shkupjan për moshat U16.
Seleksionuesi i Kosovës për U16, Dritëro Sefaja ka ftuar Edi Osmanin dhe Metin Saitin dy basketbollist që tani edhe pse në moshë të re, kanë treguar se kanë cilësi, duke garuar vitin e kaluar me Shkupin në Ligën e dytë, U1 dhe U16.
Grumbullimi i parë do të jetë nesër në Kosovë, pasi kjo përfaqësuese po fillon përgatitjet për Kampionatin Evropian, në C divizion, e që njëherit Kosova është organizatore e kësaj ngjarje sportive që do të mbahet këtë verë. Albsport.mk