Pas një procesi të gjatë të natyralizimit të Mërgim Ahmetit, më në fund drejtësia në Zvicër ka triumfuar, edhe ate falë dy personave që kanë kontrbuar dukshëm në këtë proces, informon Shtegu.com. Njëri nga ta është politikani i ri Arbër Bullakaj, i cili e ka bërë publike këtë informatë dhe që në profilin e tij në FB ka shkruar:
„Pas një lufte të gjatë dhe rraskapitëse kundër Këshillit të natyralizimit të Montlingenit, ne fituam dhe Mërgim Ahmeti tani është zviceran!
Kjo do të thotë që Këshilli i natyralizimit nuk është më në gjendje të zbatojë arbitraritetin e tij gjatë procesit të natyralizimit, sepse Mergim rezistoi. Jam i lumtur që kam luajtur rolin tim me Paul Rechsteiner.
Kjo duhet të inkurajojë të gjithë ata që kanë provuar gjithashtu një padrejtësi të tillë që të mbrohen. Këshilli i natyralizimit nuk është i gjithëfuqishëm. Edhe ai duhet t’i nënshtrohet ligjit dhe ligji ndalon një arbitrim të tillë! Lufta kundër arbitraritetit të natyralizimit vazhdon në shumë bashkësi, veçanërisht në ato rurale“.
Arbër Bullakaj