Një djalosh 19-vjeçar kosovar ka shkaktuar një aksident me veturën e tij BMW në Seetalplatz në Emmenbrücke LU, në të cilin janë përfshirë pesë vetura. Dëmi material vlerësohet në rreth 75,000 franga zvicerane.
Një vozitësi i ri kosovar, pasditen e së shtunës po drejtonte BMë-në e tij në Emmenbrücke LU. Në orën 15.45 ai po qarkullonte në korsinë e mesme të Reusseggstrasse nëpër Seetalplatz -kur papritmas i shpërthen një pjesë e pasme e BMW 440i.
Atëherë gjithçka ndodh me shpejtësi rrufeje: 19-vjeçari kosovar futet në korsinë e djathtë dhe – megjithë manovrat devijuese – përplaset në pjesën e pasme të një veture që po qëndronte në kolonë pranë sinjalit të dritës. Kjo përplasje shkakton një domino efekt: Automjeti që qëndronte në kolonë është katapultuar përpara dhe përplaset në një makinë tjetër. Edhe ajo shtyhet përpara dhe përplaset me një automjet të katërt.
Gjatë manovrës së tij devijuese, vozitësi 19-vjeçar prek gjithashtu anën e djathtë të një furgoni që po qarkullonte në korsinë e mesme, shkruajnë mediat zvicerane, transmeton Shtegu.com.
Gjatë këtij aksidenti janë lënduar dy persona. Megjithatë, vozitësi kosovar kaloi pa lëndime. Automjetet pësuan dëme materiale prej rreth 75,000 franga. Policia përkohësisht ia ka konfiskuar patentë shoferin.
Një zëdhënës i policisë në Lucern thotë se mbetet i paqartë shpërthimi i pjesës së pasme. „Sipas hetimeve fillestare, shoferi i ri nuk ishte nën ndikimin të lëndëve narkotike e as të alkoolit“.