17:50:23 2016-07-05
Shpezët grabitçarë për përkujdesësin e pëllumbave nga Maqedonia, Emin G. (42) janë therrë në sy. Shpeshëherë i kishte vëzhguar ato duke i sulmuar pëllumbat e tij me vlera të shumtë të konkurrencës fluturuese.
Ai nuk kishte dashur më të qëndrojë duarkryq. Prokurorja zvicerane Susanne Steinhauser, në Gjykatën e rrethit në Dielsdorf ZH pohoi se shtetasi maqedonas e kishte lyer një pëllumb me një lëndë toksike dhe e kishte lënë të fluturojë.
Qëllimi i aksionit ka qenë që shpendi grabitqar të sulmojë pëllumbin dhe të ngordhë pas konsumimit të helmit në trupin e pëllumbit. Për ta fshehur prejardhjen e pëllumbit, Emin G. kishte zgjedhur një pëllumb pa unazë. Helmin, i cili në Zvicër dhe BE është i ndaluar, e kishte blerë në Serbi.
Pëllumbin e tij e sulmoi një skifter, i cili pas konsumimit të mishit, ngordhi në mënyrë të mundimshme.
Sipas akuzës, helmimi i shpezëve grabitqarë tek përkujdesësit e pëllumbave në Zvicër është shumë i përhapur, ndërsa qëllimi i tyre është shfarosja e shpendëve grabitqarë.
Ky proces ishte shumë i rëndësishëm. Për të demonstruar interesin publik, akuzën e kishte ngritur Enti i veterinerisë, në roli e akuzuesit privat, shkruan „Blick“, njofton „Shtegu.com“.
Emin G. është përkujdeësësi i parë i pëllumbavce, i cili për shkak të angazhimit të të ashtuquajturit „pëllumb kamikaz“, dënohet në Zvicër: Njëmbëdhjetë muaj burg me kusht dhe dënim në të holla prej 4.000 frangave zvicerane. Gjatë shqiptimit të vendimit, gykatësi e mori parasysh faktin se Emin G. nuk ka qenë asnjëherë i dënuar dhe se nuk ka munguar snjë orë të vetme në punë.