Vetëm pse brohoritën UÇK, pesë të rinj nga Kosova janë gjobitur dhe janë dëbuar nga Mali i Zi. Kjo ngjarje ka ndodhur mbrëmjen e së mërkurës që është pasqyruar në mediat malazeze.
Ky rast është vlerësuar si i pazakontë dhe banal që është ndërmarrë nga autoritetet malazeze, por arsyetimi ka qenë se ata kanë prishur rendin dhe qetësinë.
Sipas gazetës malazeze “Vijesti”, të rinjtë shqiptarë në mbrëmjen e së mërkurës kishin brohoritur me zë të lartë “UÇK”.
Ata janë ndaluar të hyjnë në Mal të Zi për gjashtë muajt e ardhshëm.
Sipas gazetës, përcjell Telegrafi, gjykatësi kundërvajtës i Gjykatës Themelore të Ulqinit, Amra Grbovic, ka gjobitur të rinjtë me 300 euro secili. (INA)
