Policia Kantonale e Cyrihut ka zbuluar një vozitës „të krisur“. Ai ishte duke ecur me shpejtësi në autostradë me 239 kilometra në orë
Policia Kantonale e Cyrihut mati një veturë që po qarkullonte me 239 kilometra në orë në tunelin e Islisbergut në autostradën A4 të dielën mbrëma. Vozitësi është arrestuar dhe i është konfiskuar patenta e shoferit dhe vetura.
Mjeti ka kaluar pikën e matjes në drejtim të Lucernit pak pas orës 02:00, siç njoftoi policia të dielën, transmeton portali Shtegu. Kufiri i shpejtësisë ka qenë 100 kilometra në orë.
Drejtuesi i mjetit, një 36-vjeçar nga Maqedonia e Veriut, është ndaluar pak më vonë, siç shkruan Policia Kantonale e Cyrihut. Ai tani duhet të përgjigjet në prokurorinë publike për shkelje të shpejtësisë.