13:42:02 2019-02-07
Një patrullë e Policisë Kantonale të Aargaut, më 6 shkurt rreth orës 00.30, ka hasur në një veturë të llojit Alfa Romeo, me targa kontrolli të limituara, shkruajnë mediat zvicerane, përcjell Shtegu.com. Zyrtarët ndaluan makinën në rrugën „Neubuchsstrasse“ në Buchs. Në veturë kanë qenë tre shtetas nga Maqedonia, të moshës 39 deri 58-vjeçare. Asnjë prej tyre nuk ka pasur qëndrim të përhershëm në Zvicër. Më pas, policia ka hasur në veturë edhe në pajisje të dyshuar për plaçkitje.
Policia i ka arrestuar tre personat për sqarime të mëtejshme. Ajo është duke sqaruar nëse ata duhet të përgjigjen për ndonjë plaçkitje të pronës në Zvicrës.