Kjo veturë ishte për ne sikur Trabanti për DDR, spaçeku për Francën apo Mini Morris për Britaninë e Madhe në vitet e 60-ta. Kjo veturë e identifikonte një shtet, një komb, një epokë dhe vlerat e saj.
Po që se ekziston datë e saktë se kur u shpartallua ish Jugosllavia, atëherë pa dyshim se bëhet fjalë për 27 qershorin e vitit 1991. Ngjarja që ndodhi asaj dite, nuk kishte as rëndësi politike, gjeostrategjike e as luftarake. Thjeshtë, një qytetar kroat, pasi e kishte mbushur veturën e tij të llojit „Zastava 750“ (në popull e njohur me nofkën „Fiqo“) me karburant, kishte vërejtur se Armata jugosllave kishte dalë nëpër rrugë me tankse dhe transportues ushtarakë. Të gjithë qytetarët kishin filluar të vendosin barrikada nëpër rrugë, ndërsa ndër ta edhe qytetari në fjalë nuk ngurroi ta barrikadojë rrugën me „Fiqon“ e tij ngjyrë të kuqe.
Më pas, ndodhi një ngjarje e cila e përshkoi tërë botën, përmes kamerave të Televizionit kroat „HTV“. Tanku i APJ-së së atëhershme, pa kurrfarë ndalese iu vërsul „Fiqos“, duke e ndrydhur dhe mbështetur për një trolejbus i cili vinte nga ana e kundërt. Mu atë ditë, në atë udhëkryq të Osijekut, përfundoi së ekzistuari Jugosllavia, shkruan „Jutarni List“, njofton „Shtegu.com“.
Kjo veturë, me të cilën identifikohej Jugosllavia e atëhershme, këto ditë ka festuar 60-vjetorin e prodhimit të saj të parë.
