Federer ka triumfuar shtatë herë në Wimbledon ndërsa serbi Xhokoviç vetëm dy herë. Deri më tani, në karrierën e tyre ata janë takuar 39 herë, ndërsa udhëheq zvicerani me 20:19. Deri në finale Federer ka arritur këto rezultate: fitore ndaj Damir Xhumhur (6:1, 6:3, 6:3), Sem Kveri (6:4, 6:2, 6:2), Samjuel Groth (6:4, 6:4, 6:7, 6:2), Robert Bautista Agut (6:2, 6:2, 6:3), Giles Simon (6:3, 7:5, 6:2) dhe Endi Marej (7:5, 7:5, 6:4).
Tashmë Wimbledoni është i gatshëm edhe për një përplasje mes gjigantëve të tenisit, numrit 1 dhe 2 të botës. Me siguri se do të jetë një ndeshje interesante e cila është paraparë të fillojë në orën 15.00.