18:24:58 2016-05-29
Mëngjesin e së dielës, rreth orës 03.15, në autostradën zvicerane A1, një kosovar 20-vjeçar ka humbur kontrollin mbi veturën e tij sportive A8, duke u përplasur për barrierën e metaltë të rrugës. Për fat të mirë, ai dhe bashkudhëtari i tij nuk kanë pësuar lëndime, por vetura e tij është dëmtuar rëndë.
Aksidenti ndodhi në orët e hershme të mëngjesit, në 03.15 në lokacionin e autostradës në Wurenlos, me ç`rast kosovari ka qenë duke vozitur në drejtim të Bernës, shkruan „Aargauer Zeitung“, njofton „Shtegu.com“. Për shkak të shpejtësisë së madhe dhe rrugës së lagësht, ai e humbë kontrollin mbi veturën e tij. Në veturën e tij është shkaktuar një dëm i madh në vlerë prej 60 mijë frangave zvicerane, ndërsa policia ia ka marrë menjëherë patentë shoferin.