Ministri zviceran i Ekonomisë Guy Parmelin ishte veçanërisht i lumtur për marrëveshjen për shkak të diasporës së madhe kosovare në Zvicër. Shtetet e Shoqatës Evropiane të Tregtisë së Lirë (EFTA) – Islanda, Lihtenshtajni, Norvegjia dhe Zvicra – kanë lidhur një marrëveshje të tregtisë së lirë (MTL) me Kosovën në një ceremoni në margjinat e Forumit Ekonomik Botëror (WEF), transmeton portali Shtegu. Përfaqësuesit e pesë vendeve ishin të pranishëm në Dhomën e Zvicrës.
Negociatat filluan në vitin 2022 dhe u përfunduan më 26 shtator të kaluar. Marrëveshja parasheh liberalizimin e tregtisë së mallrave dhe shërbimeve, u tha në një konferencë të përbashkët për media. Sipas shifrave federale, vëllimi i tregtisë ndërmjet Kosovës dhe Zvicrës në vitin 2023 arriti në 137 milionë franga zvicerane.