Bashkimi Europian komentoi zyrtarisht zgjedhjet lokale të 30 qershorit nëpërmjet një deklarate të zëdhënëses Maja Kocijancic. Brukseli zyrtar deklaron se ndonëse procesi u zhvillua në një kontekst të ndarjes politike, zgjedhjet u zhvilluan të qeta dhe të rregullta.
“Zgjedhjet lokale të zhvilluara në Shqipëri të dielën më 30 qershor u zhvilluan në një kontekst të ndarjes politike, por në një mënyrë përgjithësisht të qetë dhe të rregullt. Ne morëm parasysh të gjitha vërejtjet paraprake të bëra nga Shefi i Misionit të Vëzhgimit të Zgjedhjeve të OSBE / ODIHR. Organet lokale të sapozgjedhura tani duhet të jenë në gjendje të punojnë sipas kompetencave të tyre kushtetuese, në dobi të qytetarëve të vend.
Përfaqësuesja e BE-së, Kocijancic bën apel që mazhoranca dhe opozita të ulen sa më shpejt në një dialog konstruktiv për disa reforma të rëndësishme, sic është edhe reforma zgjedhore.
Siç thuhet në mënyrë të përsëritur: qeveria dhe opozita duhet të tregojnë pjekuri politike dhe të angazhohen urgjentisht në dialog konstruktiv për të kapërcyer situatën aktuale politike. Të gjitha institucionet shqiptare dhe udhëheqësit politikë tani duhet të përqëndrojnë përpjekjet e tyre në vijueshmërinë e zbatimit të procesit të reformës, duke përfshirë rinisjen e reformës së iniciuar më parë të legjislacionit zgjedhor për të adresuar rekomandimet e ODIHR-it” .
Më herët edhe Ambasada e SHBA doli me një deklaratë për zgjedhjet e 30 qershoritg duke deklaruar se shqiptarët votuan paqësisht ndonëse nuk patën shumë mundësi zgjedhjeje. /KOHA