12:09:42 2019-05-03
Të martën, policia gjermane ka kontrolluar një kamion 40 tonësh me autotarga bullgare në Bierbaum. Vozitësi nga Maqedonia e Veriut, ka qenë duke shkuar drejt qendrës së qytetit për të shkarkuar 26 tonelata dërrasa. Ai i ra në sy policisë, sepse tubi i shkarkimit ishte shumë i zëshëm dhe padyshim i dëmtuar.
Përpos një vrime të madhe në tubin e shkarkimit, policia zbuloi edhe disqet e përparshëm të thyer disa herë dhe në ta kishte të qara deri në një centimetër, shkruajnë mediat gjermane, përcjell Shtegu.com. Eksperti gjerman i komunikacionit konfirmoi rrezikshmërinë absolute të kamionit dhe u befasua që disqet e frenave ishin akoma funksionalë, pasi në të vërtetë ata është dashur të binin pas dëmtimit.
Vozitësi ka paguar një depozitë sigurie prej 210 eurosh për të mbuluar kostot e procedurës gjyqësore. Pak kohë më vonë, speditori bullgar ka njoftuar policinë se kamioni do të riparohet në Bullgari. Megjithatë, kjo nuk e mbron atë nga një gjobë prej 300 eursoh që i është dërguar atij në vendin e tij të origjinës.