Bukuresht, 26 mars – Autoritetet rumune sot kumtuan se i kanë konfiskuar mbi një ton kokainë me cilësi të lartë, e cila është fshehur në një anije e cila është përmbysur në lumin Danub, përcjellë KOHA.
Policia vlerëson se vlera e drogës së konfiskuar në tregun e narkotikëve është rreth 300 milionë euro.
Kryeprokurori në Drejtorinë rumune për Luftë Kundër Krimit të Organizuar dhe Terrorizmit, Feliks Banila deklaroi se policët e kanë gjetur kokainën më 22 mars pranë një anije të përmbysur në vendin Shën Gjorgji, në Rumaninë lindore. Ai shtoi se autoritetet lidhur me rastin i kanë arrestuar dy serbë.
Droga është gjetur disa ditë pasi policia ka zbuluar një paketë të ngjashme me kokainë në atë rajon, e cila ma siguri ka rënë nga kamioni.
Banila deklaroi se droga ka ardhur përmes detit dhe se ka kaluar përmes Rumanisë. (koha.mk)