Konfiskohen rreth 500 orë të falsifikuara, të destinuara për në Kosovë

14:58:41               2019-03-26

Dogana gjermane ka zbuluar dhe konfiskuar 508 orë të falsifikuara nga Kina, në aeroportin e Frankfurtit, shkruajnë mediat gjermane, përcjell Shtegu.com. Vlera e origjinaleve të tyre përkatëse llogaritet në mbi 142,000 euro, kanë deklaruar të premten nga zyra kryesore e doganave gjermane. Falsifikimet e disa markave të zbuluara gjatë inspektimit të një dërgesë mallrash në fillim të muajit shkurt, janë shkatërruar. Orët ishin paraparë të dërgohen në Kosovë.