Për herë të tretë në historinë e tij trevjeçare, klubi futbollistik shqiptar Eagles nga Aarau ka arritur të ngritet radhazi nëpër liga më të larta. Në vazhdën e këtij suksesi, klubi i cili në vete përmbledhë njëmbëdhjetë persona me mbiemrin Gashi, ka arritur të inkuadrohet në Ligën e dytë rajonale.
Për njërin nga njëmbëdhjetë Gashjanët, përndryshe trajneri i ekipit Driton Gashi, suksesi i ekipit ishte një befasi e madhe, pasi ai për të përditshmen zvicerane „Aargauer Zeitung“ pohon: „Ne kishim shumë respekt nga nivelet më të larta të ligave dhe me ushtrimet tradicionalisht të vonuara verore, llogarisnim në një pozitë në gjysmën e lartë të tabelës“.
Pas humbjes në fillimin e kampionatit kundër ekipit të favorizuar Mellingen, shqiponjat luajtën sikur të rilindur, duke mos pësuar asnjë humbje të vetme, informon portali Shtegu. Por, për te nuk është me rëndësi suksesi i ekipit, pasi prioritet e kanë lojtarët të luajnë dhe të përfaqësojnë kulturën shqiptare: „Është me rëndësi që ta përfaqësojmë në mënyrë të denjë kulturën tonë. Fundi-fundit, ne ua kemi borxh bashkatdhetarëve tanë“. Disiplina e ekipit është në nivel të lartë duke u radhitur në vendin e dytë në grup.
„Dëshirojmë që lojtarëve tanë dhe dy sponsorëve, pa të cilët nuk do të kishim mundur të bënim asgjë, t`ua kthejmë në njëfarë mënyre këtë angazhim të tyre. Por, gjithashtu edhe tifozëve tanë gjithnjë korrekt“, ka përfunduar Gashi.