12 milionë euro para të gatshme peshojnë vetëm 255 kg

361 Lexime

Policia në Eindhoven zbuloi 12.5 milionë euro para të gatshme, në një dhomë të fshehur në një apartament. Kjo është shuma më e lartë e gjetur ndonjëherë në një vend në Holandë, njoftoi policia holandeze të mërkurën, informon Shtegu.com.

Nën dyshimin e pastrimit të parave, tashmë është arrestuar një 35-vjeçar.

Nuk ishte vetëm një shumë veçanërisht e madhe, por edhe një vlerë veçanërisht e rëndë. Sepse sipas policisë, bankënotat nga 5 deri në 500 euro, kanë peshuar gjithsej 255 kg. Hetuesit është dashur t`i konfiskonin paratë në disa çanta të mëdha blerjesh. Ata gjithashtu siguruan armë zjarri dhe një numërator parash.

Policia supozon se këto të holla janë nga krimi i organizuar. Në lidhje me hetimin në vazhdim, nuk u zbulua se si ishin shënjestruar nga hetuesit personi i arrestuar dhe banesa.