Një vajzë 16-vjeçare nga Kosova është zhdukur dje (e hënë) në Kantonin e Tiçinos në Zvicër. Policia zvicerane tashmë kërkon informata nga popullata.
Ajo ka lëshuar shtëpinë në Canobbio TU për të shkuar në shkollë, por atje nuk ka arritur dot.
Bëhet fjalë për të rejën kosovare Armonda Amzaj (16), nga e cila mungon çfarëdo lloj gjurme, që nga e hëna rreth orës 07.30. Tashmë, policia zvicerane është vënë në kërkim të Armondës. Ajo me prejardhje është nga Kosova dhe në Tiçino ka qenë me vendbanim të përkohshëm, shkruan „Blick“, njofton „Shtegu.com“.
Në kohën e zhdukjes së saj, ajo ka pasur të veshura çorape të zeza, një pjesë të sipërme të errët të veshjes dhe atlete të zeza. Policia zvicerane i lut të gjithë ata që dinë për fatin e Armondës, të paraqiten.