Zhduket fëmija i shqiptarit, e tërë Gjermania në këmbë

23 Lexime

04:16:32               2016-03-21

 

 

 

 

Pas zhdukjes së një foshnje, policia gjermane ka shtuar dyshimet se nëna e ka vrarë foshnjen e sapolindur. Por, nga ana tjetër, nëna 23-vjeçare pohon se babai me foshnjen ka shkuar për në Shqipëri.

 

 

 

Pas zhdukjes së një foshnje në Mittelhessen të Gjermanisë, hetuesit dyshojnë se nëna e ka vrarë foshnjen e sapolindur. Sipas zëdhënësit të Prokurorisë publike gjermane në Wetzlar, Dominik Mies, ndaj nënës 23-vjeçare është lëshuar një urdhërarrest për shkak të dyshimit të veprës penale „vrasje“, thuhet në një komunikatë të lëshuar gjatë fundjavës, shkruan „Augsburger Allgemeine“, njofton „Shtegu.com“. Ditën e lindjes, nga fillimi i dhjetorit të vitit të kaluar, dyshohet se nëna e ka vrarë fëmijën, për të mos e shkatërruar jetën e saj të zakonshme. Por, 23-vjeçarja e ka kundërshtuar veprën.

 

 

 

Të enjten ajo është arrestuar. Më tepër se tetëdhjetë policë i kishin kontrolluar dy patundshmëri në Waldsolms dhe Schöffengrund. „Po kërkojmë nën ethe pas foshnjes“, ka pohuar Mies. Çdo informatë dhe gjurmë është duke u verifikuar. Por, deri më tani nuk ka ndonjë provë më konkrete se ku mund të jetë fëmija.

 

 

 

Sipas informatave të hetuesve, 23-vjeçarja ka edhe një fëmijë trevjeçar, ndrësa një fëmijë tjetër, në vitin 2014 e kishte dhënë për adoptim. Në polici ajo kishte deklaruar se foshnja e zhdukur nuk ishte me partnerin e saj, por nga një i arratisur i saj i njohur. Menjëherë pas lindjes, ajo fëmijën ia kishte dhënë shqiptarit. Pas kësaj, ai me fëmijën kishte udhëtuar për në Shqipëri dhe ajo nuk e di se ku gjendet ai saktësisht. Këtë deklaratë, Prokuroria e kishte vlerësuar si pohim mbrojtës, por njëkohësisht, ajo është në kërkim edhe të shqiptarit.