19:08:33 2019-03-01
Një vozitës rumun i kamionit, nga fillimi i javës është dënuar me tetë muaj burg, pas procedurës së menjëhershme gjyqësore, për transportimin e pesë shqiptarëve që i kishte fshehur në veturat që po i transportonte me kamion, shkruajmë mediat franceze, përcjell Shtegu.com.
Vozitësi është zbuluar gjatë të enjtes së kaluar rreth orës 04.00, kur u kontrollua në terminalin e tragetit Loon-Plage. Shtetasi rumun, Marian Ionita po ngiste një peshë të rëndë duke tërhequr nëntë automjete në një maune. Në pesë prej tyre, u gjetën pesë shtetas shqiptarë, të fshehur në veturat Citroën C1 dhe Peugeot 108, përcjell Shtegu.com. Makina kanë qenë të mbyllura dhe vetëm Mariani i ka pasur çelësat në kabinën e tij. Shqiptarët kishin hyrë nëpër automjete në Veurne, ndërsa vozitësi rumun ka marr përgjegjësinë t`i transportojë. Një konstatim i tillë është vërtetuar edhe nga mesazhet e tij shqetësuese në celularin e tij.