Inspektorati Federal i Policisë gjermane në Kassel po heton një 16-vjeçar afgan, nën dyshimin e hyrjes së paautorizuar në vend.
I riu u gjet të martën (23 shkurt) në pjesën e pasme të një kamioni. Kamioni rimorkio që vinte nga Maqedonia e Veriut është dashur të shkarkohet në një dyqan pajisjesh në Fulda-Petersberg, rreth orës 17.00. Kur vozitësi e hetoi djaloshin afgan, ai menjëherë e informoi policinë, informon Shtegu.com.
Zyrtarët nga Policia Federale në Fulda e morën në paraburgim 16-vjeçarin dhe më vonë e dorëzuan atë në një strukturë rinore në Fulda.
Vozitësi 27-vjeçar i kamionit ka mundur ta vazhdojë udhëtimin e tij pasi kanë përfunduar masat formale të policisë.
Inspektorati Federal i Policisë në Kassel ka filluar hetimet.