21:16:33 2017-03-13
Një veturë e llojit Nissan Qashqai me autotarga të Shqipërisë, mbrëmjen e së dielës rreth orës 23.00 ka qenë duke lëvizur në drejtim të San Bernardinos. Në tunelin San Fedele tek Roveredo, ajo del në anën e kundërt të rrugës, duke u përplasur me një veturë tjetër të llojit Renault Espace, e drejtuar nga një zvicerane 67-vjeçare. Plaka zvicerane lëndohet aq shumë, sa që vdesë në vendngjarje. Nga ana tjetër, vozitësi 26-vjeçar i Nissanit ka kaluar me lëndime të lehta
Sipas autotargës së veturës, dyshohet se vozitësi është shqiptar. Policia zvicerane e Tiçinos, nuk ka dhënë informata lidhur me nacionalitetin e 26-vjeçarit, shkruan „20 Minuten“, njofton „Shtegu.com“. Mbetet e paqartë përse vetura ka dalur në anën e kundërt të rrugës. Pjesëmarrësit e tjerë në komunikacion, kanë dëshmuar se para aksidentit, Nissani disa herë ka parakaluar vetura të tjera në tunel, edhe përkundër shenjës për ndalesë të parakalimit.
Policia nuk ka dashur të konfirmojë këto informata. Hetimet janë në rrjedhë e sipër.