Vetëm edhe dy persona të gjallë nga shekulli XIX

Pas qëndrimit njëjavor në spital, të shtunën ka ndërruar jetë Jeralean Talley, 116-vjeçarja amerikane. E bija e saj Thelma Holloëay ka deklaruar për gazetën „Detroit Free Press“: „U kthye në shtëpi dhe fjeti e qetë“.
Afroamerikanja Talley ka lindur në vitin 1899 në shtetin federal Georgia të SHBA-ve. Bashkëshorti i saj Alfredi, me të cilin ishte na bashkëshortësi për 52 vite me radhë, kishte vdekur në vitin 1988, në moshën 95-vjeçare.
Sipas të dhënave të „Gerontology Research Group (GRP)“, një shoqatë ndërkombëtare hulumtuese, primatin e personit më të vjetër në botë, tash e merr qytetarja Susannah Mushatt Jones.
Më 6 korrik, ajo do të mbushë 116 vite, ndërsa edhe italianja Emma Morano-Martinuzzi, në muajin nëntor do të mbushë 116 vite. Sipas statistikave të GRP, të dy gratë janë personat e vetëm të gjallë të lindur në shekullin XIX.