Vesel Memedi lë postin e nënkryetarit të Kuvendit, RDK-ja braktisë të gjitha drejtoritë

Kryetari i RDK-së Vesel Memedi, i ka bërë thirrje LSDM-në që të tërheq propozimin për shkarkimin e ministrit Suhejl Fazliu nga posti i ministrit të Vetëqeverisjes Lokale, shkruan gazeta Lajm. Në të njejtën kohë, ai ka ftuar edhe deputetët e BDI-së që të mos votojë për shkarkimin e ministrit Fazliu. Në të kundërtën ai ka paralajmëruar dorëheqje nga posti i nënkryetarit të Kuvendit dhe largimin e kuadrove te RDK-së nga të gjitha drejtoritë. Memedi ka thënë se RDK-ja nuk do të bëhet pjesë e asnjë marrëveshje të fshehur mes BDI-së dhe LSDM-së, pasi siç u shpreh ai, për këtë parti postet nuk janë aspak të rëndësishme.

“Sot do të dorëzojmë dorëheqjet tona të parevokueshme nga të gjitha drejtoritë dhe këshillat drejtues të alokuar dhe kulminacioni I kësaj vlere sublime është tërheqja nga pozita e nënkryetarit të Kuvendit si dhe dorëzimi dhe dorëzimi i deputetit të mandatit të deputetit në Kuvendin e Maqedonisë së Veriut”, tha Memedi.

Vendimi i RDK-së vjen pasi kryeministri Zoran Zaev vendosi që Ministrinë e Vetëqeverisjes Lokale t`ia merr RDK-së dhe të njëjtën t`ia dorëzoj PLD-së /Gazeta Lajm/