Xhamia në Grenchen SO është thyer. Hajdutët boshatisën kutinë e dhurimeve dhe vandalizuan me aparate zjarrfikëse pjesën e brendshme të faltores
Të shtunën mbrëma, një autor i panjohur ka hyrë në xhaminë Ebu Hanife në Grenchen SO. Aty të tre personat thyen dyer të ndryshme dhe vodhën rreth 4 000 franga. Gjithashtu, qëllimisht janë shkaktuar edhe dëme materiale, të cilat parashihet të jenë shumë më të mëdha. Këtë e bën të ditur “Tele M1”, duke cituar “Grenchner Tagblatt”.
Sipas kamerave të vëzhgimit, personat e maskuar kanë hyrë në xhami nga një dritare. Më pas autorët përdorën një levë për të hapur dyert e mbyllura brenda shtëpisë së lutjes.
Emir Abazi, anëtar i bordit të Bashkësisë Fetare Islame Shqiptare, tha për “Tele M1”: “Kur besimtarët e parë u paraqitën për faljen e hershme të së shtunës në mëngjes, hasën në kaos”.
Kasaforta në xhaminë Grenchen u thye dhe kutia e donacioneve të xhamisë u grabit gjithashtu. Sipas “Grenchner Tagblatt”, autorët kanë vjedhur rreth 4 000 franga, transmeton portali Shtegu.
Krahas dëmit financiar ka pasur edhe dëme të mëdha materiale. Jeton Arifi, arkëtar i bashkësisë fetare islame shqiptare, përshkruan: “Kur u larguan nga xhamia, spërkatën kudo me aparate zjarrëfikëse“.
Dyshohet se autorët kanë dashur të mbulojnë gjurmët e tyre. Materialet e pastrimit që tre personat e maskuar gjetën në godinë u shpërndanë gjithandej.
Tashmë policia po heton për zbardhjen e krimit. Departamenti i mjekësisë ligjore vlerëson kamerat e vëzhgimit dhe pistat e gjetura në vendin e krimit. Megjithatë, ende nuk ka prova se kush ishte autori.