Tragjedi në Çair të Shkupit, dy të vdekur gjatë hapjes së një kanalit

12:50:28                   2019-06-01

Dy persona kanë vdekur ndërsa njeri ka pësuar lëndime të renda trupore si pasoje e rënies se dheut derisa groponin për hapjen e kanalit. Të dy të vdekurit kane qenë vëllezër te cilët kanë punuar në kompaninë ku pronar ka qene babai i tyre. Aksidenti ka ndodhur përball shkollës fillore “Penko”, shkruan Alsat/M, përcjell Shtegu.com.

Komandiri i njësisë zjarrfikëse të Shkupit, Nuredin Mustafa, për mediat vendase ka deklaruar se në bahskëpunim me disa qytetarë të ndërgjegjshëm dhe zjarrfikës vullnetarë, kanë arritur ta shpëtojnë njërin nga tre personat që kanë qenë në gropë, pasi paraprakisht kanë pasur informata se dy të tjerët tashmë kishin ndërruar jetë.