22:59:27 2019-05-31
Një burrë 60-vjeçar i mori peng dy gra të moshës 34 dhe 38-vjeçare. Që të tre vetë vdiqën pas të shtënave.
Sipas Marco Cortesi, zëdhënës i medias për Policinë e Qytetit të Cyrihut, burri nuk jetonte në këtë adresë. Sipas informatave më të reja që i përcjell „20 Minuten“, bëhet fjalë për viktimat me inicialet I.S. (34) dhe M.S. (38), informon Shtegu.com. Që të dyja kanë punuar si përkujdesëse në Kantonin e Cyrihut. I.S. ishte ish-e dashura e pengmarrësit dhe me M.S. kanë banuar në apartament. Emri i saj ishte bashkangjitur në kutinë postare në një copë letre të bardhë.
Kosovarja I.S. më përpara kishte një shërbim limuzinash dhe një agjensi private detektive në Uster. Ajo e udhëhoqi këtë së bashku me P.C., pengmarrësin. Që të dy ishin regjistruar më parë në të njëjtën adresë në Cyrih-Altstetten.
60-vjeçari kishte edhe një kompani tjetër sigurie në Bazel, por ajo ishte likuiduar. P.C. gjithashtu menaxhonte dyqanin e tij të dhuratave, por sipas mediave zvicerane, ai kishte punuar si vozitës.
