13:15:58 2016-03-09
Përdoruesit e Facebookut në tërë botën janë tmerruar: Një turiste e kishte nxjerrë një mjellmë nga liqeni, për të bërë nje selfie me te. Shpendi i lënduar nuk kishte arritur ta mbijetojë situatën.
Skena të tmerrshme nga Liqeni i Ohrit kanë tronditur botën, raporton „Bild“, njofton „Shtegu.com“, duke iu referuar një artikulli të „Macedonia Online“.
Një turiste e buzëqeshur, mbanë krahët e një mjellmeje, përderisa shpendi i gjorë mundohet të lirohet nga situata. Gruaja, deri më tash e paidentifikuar, mendohet të ketë qenë nga Bullgaria dhe shpendin e kishte lënë të shtrirë përtokë. Dëshmitarët e rastit kanë pohuar se shpendi më pas kishte ngordhur.
Shpezët në Liqenin e Ohrit janë mësuar me njerëzit dhe për këtë, gruaja kishte mundur ta kapë pa problem mjellmën.