Të shtëna me armë në Bazel të Zvicrës, plagoset rëndë një person

39 Lexime

15:52:57              2017-11-21

 

 

 

Në qendër të Bazelit në Zvicër, paraditen e sotme janë dëgjuar të shtëna me armë, me ç`rast është plagosur rëndë një person. Policia zvicerane e ka arrestuar sulmuesin e dyshuar.

 

Paraditen e së martës, një person është plagosur rëndë në qendër të Qytetit të Bazelit. Sipas mediave zvicerane, sulmuesi i dyshuar është arrestuar, konfirmojnë nga Prokuroria e Bazelit, përcjellë „Shtegu.com“.

Pas mosmarrëveshjeve paraprake, viktima është qëlluar në afësri të një patundshmërie. Motivi dhe arsyeja e këtij sulmi ende mbeten të paqartë, ndërsa hetimet janë duke vazhduar me intensitet të lartë. Për shkak të hetimeve taktike policore, nuk është bërë publike diçka më tepër lidhur me ngjarjen.

Në portalin „Onlinereports“, një dëshmitar rasti ka pohuar se rreth orës 11.45, në rrugën „Steinentorstrasse“ kishte dëgjuar katër deri në pesë të shtëna. Një minutë më vonë, në rrugë është paraqitur një person i mbuluar me gjak duke kërkuar ndihmë. Më pas, i plagosuri i shoqëruar nga një grua, ka hipur në taksi. (Shtegu.com)