Shtetasit maqedonas i digjet vetura pasi shkakton aksident të rëndë

28 Lexime

19:52:00               2016-11-01

 

 

 

 

 

Mbrëmjen e së hënës, autostrada A5 në drejtim të Kasselit në Gjermani, është mbyllur tërësisht, në relacionin në mes të Bad Homburger Kreuz dhe Friedbergut. Rreth orës 21.20, një shtetas 39-vjeçar maqedonas, me veturën e vet „Ford“ është përplasur në korsinë e djathtë me një veturë tjetër „VW“, të drejtuar nga një shtetas 26-vjeçar gjerman, thuhet në një komunikatë të policisë gjermane, njofton „Shtegu.com“. Që të dy veturat kanë humbur orientimin, me ç`rast „VW“ është rrokullisur, ndërsa vetura e shtetasit maqedonas ka rrëshqitur në korsinë e emergjencës dhe është kapluar nga zjarri. Ekipi i alarmuar i zjarrfikësve ka arritur ta shuajë zjarrin.

 

 

 

Gjatë këtij aksidenti, shtetasi gjerman dhe një bashkudhëtar i veti 29-vjeçar janë lënduar lehtë. Një bashkudhëtar tjetër i tyre 26-vjeçar ka pësuar lëndime të rënda dhe është transportuar në spitalin më të afërt. Shkaktari i dyshuar i aksidentit, shtetasi maqedonas ka kaluar pa kurrfarë lëndimi. Ai është shoqëruar në stacionin policor ku i është konfirmuar prania e 0,5 promilave alkool. Me këtë rast, menjëherë i është marrë patenta e shoferit. Dëmi i shkaktuar kap shumë prej rreth 15 mijë eurove.

 

 

 

Rreth orës 23.30 autostrada sërish është vënë në qarkullim.