Një shtetas serb e ka therur me thikë bashkëshorten e tij në Insbruk të Austrisë. Policia e ka arrestuar sot në vendin e ngjarjes. Policia austriake për krime është duke e hetuar rastin.
Rreth orës 9:30, policia austriake mori një telefonatë urgjente për një krim të dhunshëm. Sipas Drejtorisë së Policisë së Tirolit, një shtetas serb (59) dyshohet se ka sulmuar me thikë bashkëshorten e tij (50) në banesën e përbashkët në Innsbruck. Nga sulmi shqiptarja mbeti e vrarë.
Policia në vendin e ngjarjes e ka arrestuar shtetasin serb. Hetimet kanë marrë përsipër nga policia austriake. Mjekësia ligjore ndodhet në vendngjarje. Sfondi i aktit të përgjakshëm është ende i paqartë. Kjo është vrasja e 27-të e grave gjatë këtij viti në Austri.
Sipas një raportimi të “Kronen Zeitung”, një fqinj i çiftit e ka lajmëruar policinë. “I akuzuari 59-vjeçar shkoi tek ai dhe i tha se ai sapo kishte vrarë bashkëshorten e vet”, ka pohuar shefja e policisë Katja Tersch, transmeton portali Shtegu. Arma e vrasjes mësohet gjithashtu të jetë një thikë kuzhine.