Shtetasi maqedonas të cilit i qante foshnja, sulmon nxënësen gjermane

22:50:01                     2016-11-19

Edhe dhjetë ditë pas sulmit të pakuptueshëm të një shtetasi gjaknxehtë maqedonas, në linjën e tramvajit 17 në afërsi të Maria-Ward-Strasse (Nymphenburg) në Mynih të Gjermanisë, ende nuk ka spjegime përse ai e sulmoi aq brutalisht nxënësen 17-vjeçare gjermane Stefanie B.

Me një lloj arme të ftohtë (kubotan), një lloj shufre metalike që përdoret për vetmbrojtje, shtetasi 29-vjeçar maqedonas e ka goditur paprtimas dhe disa herë shtatëmbëdhjetëvjeçaren gjermane. Si motiv për këtë sulm, ai ka deklaruar se është ndjerë i provokuar nga shikimi i Stefanie, shkruan „Merkur“, njofton „Shtegu.com“.

Më 06 nëntor të këtij viti, rreth orës 19.10, shtetasi maqedonas ka hipur në tramvaj, me një foshnje në krahë e cila ka qarë. Me këtë rast, sipas deklaratave të tij, në mes të tij dhe Stefanie është shkaktuar fillimisht një zënkë verbale. Nga ana tjetër, Stefanie ka pohuar se shikimi i saj ka qenë i orientuar nga ekrani për treguesit e stacioneve të tramvajit. Papritma, ajo ka vërejtur se si „shtetasi maqedonas ia ka dorëzuar fëmijën në krahë, një gruaje të re. Me armën e tij, ai ka filluar të godasë Stefanie dhe mikun e saj Pierre W. (18), të cilëve u ka shkaktuar lëndime trupore. Shtetasi maqedonas është arrestuar menjëherë, ndërsa hetimet janë duke vazhduar deri në ndriçimin e plotë të rastit.