Në Buchs të Zvicrës u shkaktua një debat i ashpër midis dy personave. Pasi u sulmua, një 59-vjeçar ra në tokë në atë mënyrë që ai vdiq në vend.
Të shtunën në mbrëmje u shkaktua një mosmarrëveshje me pasoja fatale në rrugën Technikumstrasse në Buchs.
Pak para orës 01.30 të mëngjesit, policia e kantonit mori një raport për një mosmarrëveshje të ashpë midis një shtetasi maqedonas 26-vjeçar dhe një zvicerani 59-vjeçar nga rajoni. Më i riu nga dy burrat sulmoi tjetrin me një goditje, informon portali Shtegu. Si pasojë, 59-vjeçari u rrëzua përtokë.
Pas mbërritjes, patrulla e policisë dhe shërbimi i ambulancës me një mjek të urgjencës tentuan ringjalljen te zvicerani, por pa sukses.
Sipas një deklarate të shtunën në mëngjes nga policia, maqedonasi ndërkohë ishte larguar nga vendi i ngjarjes, por u arrestua pak më vonë.
Hetuesit tani po sqarojnë rrethanat e sakta të vdekjes së 59-vjeçarit. Ende nuk dihet shkaku i mosmarrëveshjes dhe nëse persona të tjerë ishin përfshirë në mosmarrëveshje.
