08:09:37 2016-06-08
Në qershor të vitit të kaluar, në Linz të Austrisë ishte shkaktuar një zënkë me ç`rast një shtetas serb ishte therë për vdekje, ndërsa një tjetër maqedonas pësoi plagë të rënda. Vrasësi i dyshuar, një shqiptar 27-vjeçar, nga Gjykata e rrethit të martën është dënuar me 17 vite burg, për veprën penale „vrasje“ dhe „vrasje në tentativë“. Vendimi gjyqësor ende nuk është i plotfuqishëm, shkruan „Heute“, njofton „Shtegu.com“.
Rasti kishte ndodhur në mbrëmje, kur ishte shkaktuar një zënkë në mes të të dyshuarit, i shoqëruar me një person tjetër dhe një grupi tjetër personash. Fillimisht ata ishin grushtuar mes vete, më pas 27-vjeçari kishte nxjerrë thikën dhe kishte goditur disa herë në viktimat. Serbi i lënduar ka përjetuar gjakderdhjetë brendshme, ndërsa shtetasi maqedonas ka mbijetuar me lëndime të rënda. Para trupit gjykues, i dënuari ka deklaruar se ka vepruar në vetëmbrojtje, por se nuk i kujtohet saktësisht rrjedha e ngjarjes.
Ndryshe nga ai, akuza e ka cilësuar të dënuarin si „thellësisht të pandershëm“, pasi kishte rrëfyer disa versione të rastit.