14:54:58 2016-06-08
Gjatë një kontrolli të një veture në pikën kufitare të Bazelit në Zvicër, doganierët kanë zbuluar tre kilogramë kokainë. Vozitësi i veturës është arrestuar menjëherë dhe bashkë me drogën e sekuestruar i është dorëzuar organeve përkatës gjermane, shkruan „Aargauer Zeitung“, njofton „Shtegu.com“.
Bëhet fjalë për një shqiptar 36-vjeçar, i cili gjatë fundjavës ka dashur ta trafikojë drogën nga Gjermania për në Zvicër, thuhet në një komunikatë të organeve kufitare, të lëshuar gjatë të mërkurës. Lënda narkotike ka qenë e fshehur në një „vend të rafinuar“, e mbështjellur në disa pako alumini.